بيقولوا الناس مختلفة عن بعضها فى حاجات كتير و منهم درجة الذكاء و دا مش غلط لأن أكيد فعلا الناس بتختلف عن بعضها فى درجة تعلمهم و استيعابهم و ذاكرتهم و غيره من مفردات الذكاء ..
يبقى السؤال المهم دلوقتى :
هو إزاى نزود ذكائنا طالما الموضوع فروق فردية بين كل شخص و التانى ؟
علشان نجاوب على السؤال ده ... لازم الأول نفهم يعنى إيه ذكاء
لما المخ بيفكر فى شىء معين علطول العقل بيروح لمسار بين الخلايا العصبية بتتحرك فيه السيالات العصبية أو النبضات العصبية . المسار ده عبارة عن رابط للموضوع اللى بيفكر فيه المخ . و كل ما بنتعلم شىء جديد بيتكون له رابط فى المخ و كل ما كترت الروابط كل ما زاد الانسان ذكاء و دا السبب اللى بيخلى الناس اللى بتقرا كتير أكثر ذكاءً و الناس اللى اختبرت مواقف كتير فى الحياة أكتر حكمة و ذكاء من غيرهم
يبقى كل المطلوب مننا إننا نتعلم دايما شىء جديد و الشىء اللى كنا نعرفه قبل كدا . نركز فيه أكتر و نعرف عنه أكتر
مش صعب إنك تحدد الحاجات اللى بتحبها .. إعرف عنها أكتر
و نمى موهبة القراءة فيك بإستمرار . فى الأول هتزهق دا شىء طبيعى علشان مش متعود لكن صدقنى مع الوقت و الإستمرار هتدمن القراءة و حب المعرفة و دا لسبب بسيط جدا لأن فيه روابط جديدة و مسارات جديدة فى المخ اتكونت يعنى بقيت أكتر ذكاء من الأول ...
هتنبهر بنفسك بعد فترة من المعرفة والإطلاع و التعلم لما تلاقى ان فيه امور كتيرة بقيت تعرفها و تعرف تتكلم فيها مع أى حد و هتلاقى نفسك بقيت خبير فى حاجات كتير كنت يدوبك تسمع عنها و مش عاوز أقولك أد إيه ثقتك بنفسك هتزيد
جرب مش هتخسر حاجة . ساعات الدوا بيكون مر لكن بنضطر ناخده علشان نخف
No comments:
Post a Comment